Latest

हालै सार्वजनिक तथ्यांकका अनुसार सुदुर पश्चिमका ३ जिल्लाबाट मात्रै १०५ जना मानिस सम्पर्क बिहीन

Public Date:-2017-07-17

एकेन्द्र महता .अछाम

सुदुर पश्चिमका ३ जिल्लाबाट १०५ जना मानिस हराएको तथ्यांक सार्वजनिक गरीएको छ । अध्ययन अनुसार हराएका तथा बेपत्ता भएका व्याक्तिहरुको तथ्यांक संकलन तथा सर्वेक्षणमा अनुसार पैसा कमाउन भारत जाने र गएपछि सम्पर्क बिहीन भई नर्फकिने गरेको पाईएको हो ।

अछामको साँफेबगर नगरपालिका डोटी जिल्लाका साविकका सानागाउँ, काडामाण्डौ, रानागाउँ, खातीबाडा, दर्गामाण्डौ र छतीवन गाविस र कञ्चनपुरको भिमदत्तनगरपालिका र बेतकोट नगरपालिकामा राष्ट्रिय बातावरण तथा समविकास समाज निड्स नेपालद्धारा सञ्चालित आप्रवासन कामदारहरु र मानव बेचविखन प्रभावित अधिकार संरक्षण तथा सम्द्र्धन र सामाजिक सेवामा पहुँच विस्तार परियोजनाको समिक्षा कार्यक्रममा सो तथ्यांक सार्वजनिक गरीएको हो ।

तीन जिल्ला मध्ये अछाममा ३ महिला २७ पुरुष, डोटीमा ३ महिला ४४ पुरुष र कञ्चनपुरमा २ महिला २६ पुरुष हराएका हुन् । यो कार्यक्रम युरोपीएन युनियनको आर्थिक सहयोग र अन्र्तराष्ट्रिय रेडक्रस र रेड क्रिसियन्ट समाज आईएफआरसी को प्रविधिक सहयोगमा सञ्चालन भएको थियो । परियोजनाबाट १८ हजार ६ सय ३० जना र ३ लाख जनसंख्या लाभाम्वित भएका थिए । कार्यक्रम सञ्चालित जिल्लाका सरकारी निकायहरुले आप्रवासन तथा मानव बेचविखन रोकथामका सवालमा पनि छलफल गरिएको थियो ।

स्थानीय विकास अधिकारी तोयनारायण सुवेदीको अध्यक्षतामा भएको कार्यक्रमका प्रमुख अतीथि प्रमुख जिल्ला अधिकारी शकर बहादुर बिष्ट रहनु भएको थियो । कार्यक्रममा प्रहरी नायव निरीक्षक निरञ्जन दत्त भट्ट, गैरसरकारी सस्था महाँसघका अध्यक्ष खडक खड्का जिल्ला स्थित सञ्चारकर्मीहरुको सहभागिता रहेको कार्यक्रमको सञ्चालन परियोजना अनुगमन मुल्यांकन अधिकृत सुनिल मिश्रले गर्नू भएको थियो ।

Comment Here!

सम्बन्धित